Bèl bonjou,

Souvantfwa , sé zélèv-la adan on lékòl ka pòté non a on gran nonm oben non a on gran madanm pòtalan adan sosyété Gwadloup,

malérèzdibonnè  yo pa konnèt kimoun yo yé, ka yo fè , poukibiten lékòl-la ka pòté non a-yo.

Kifè  zélèv lòpsyon kréyòl kolèj “Les Roches Gravées” komin Twarivyè é zélèv kolèj Rémi NAINSOUTA , komin Senklòd

èvè pwofésè kréyòl a-yo Man LÉAUVA désidé mèt asi pyé on lèkspozisyon alévini asi  dé gran nonm

28 Févwyé , jou Misyé Kawlomàn BASSETTE fèt , zélèv Twarivyé gloriyé-y davwa sant awkéolojik ki andidan kolèj-la ka pòté non a-y.

Zélèv Senklòd gloryé Misyé Rémi NAINSOUTA davwa kolèj-la ka pòté non a-y . Kom ayen pa ka jamen fèt tousèl, Man CALIFER  é Misyé SAMINADIN rèprézantan a “Comité Commémoratif Rémy NAINSOUTA” vin bokanté èvè sé zélèv-la.

Sé lèkspozisyon-la sé pou tout zélèv Gwadloup. Pou wousouvé-w an lékòl a-w konné kolèj  Twarivyè oben kolèj Senklòd.

Fò-w savé ou pé touvé  lèkspozisyon alévini-la asi zouti nimérik.

A tanto

Man LÉAUVA

– Gloriyé pou Kawlomàn BASSETTE

– Rémi NAINSOUTA : on nonm ki té ka vwè lwen pou Lagwdloup

* lèkspozisyon kolèj “Rémy NAINSOUTA” ,Senklòd

* Zélèv 3yèm Twarivyè : bokantaj-pawòl asi Misyé Rémi NAINSOUTA

èvè Man CALIFER é Misyé SAMINADIN “Comité Commémoratif Rémy NAINSOUTA”